Agora si estamos de celebración!

Grazas ao traballo realizado nos últimos meses pola rapazada, as familias, a veciñanza, o persoal técnico e o persoal político Carnota vén de ser recoñecida por UNICEF como Cidade Amiga da Infancia! Consulta neste enlace a publicación de UNICEF .

Moitísimos parabéns a todas e a todos!!

Agora si, esperámosvos!! En breve informarmos da nova programación de actividades e sorpresas!

FAITE DE CARNOTA AMIGA DA INFANCIA E DA ADOLESCENCIA!! PONTE EN CONTACTO COA EDUCADORA FAMILIAR do Concello!

Aulas de fotografía

Xa comezamos as aulas de fotografía!

Grazas ao traballo da comisión de cultura do Consello Municipal de Infancia, o departamento de cultura programou clases de fotografía. A rapazada segue a decidir na programación municipal, pode solicitar ao Concello aquelas actividades que máis lle interese e que lle preste. .

E ti? Anímaste a formar parte das Comisións de Traballo do Consello Municipal de Infancia e da Adolescencia??

Esperámosvos!! Non falledes!!

FAITE DE CARNOTA AMIGA DA INFANCIA E DA ADOLESCENCIA!! PONTE EN CONTACTO COA EDUCADORA FAMILIAR do Concello!

Esta fin de semana estreámonos na I Mostra Internacional de Mares da Fin do Mundo

Durante o mes de setembro e principios de outubro tivemos diferentes obradoiros de vídeo participativo. Esta fin de semana toda a veciñanza poderá ver os resultados en directo!! Os vídeos das rapazas e dos rapaces de Carnota Amiga da Infancia e da Adolescencia proxectaranse enFestival Mares Fin do Mundo.

A Escola de Cinema de Mar de Lira deu os seus froitos!! Estaremos encantadas de recibirvos e de que vexades o traballazo realizado!!

Esperámosvos!! Non falledes!!

FAITE DE CARNOTA AMIGA DA INFANCIA E DA ADOLESCENCIA!! PONTE EN CONTACTO COA EDUCADORA FAMILIAR do Concello!

CREAMOS VÍDEOS ENTRE TODAS E TODOS!!

Este xoves 4 de outubro ás 17:00 na Casa da Mariñeira xuntámonos de novo para argallar vídeo entre todas e todos!!

O obxectivo deste obradoiro é que a rapazada cree vídeos de concienciación sobre o coidado do mar e da pesca tradicional. Esta idea xorde dunha colaboración entre o Festival Mares Fin do Mundo e Carnota Amiga da Infancia e da Adolescencia. Deste xeito, no marco desta actividade toda a veciñanza poderá visualizar os vídeos das rapazas e dos rapaces!!

Anímaste a participar e a formar parte da nosa equipa? Estaría xenial!

FAITE DE CARNOTA AMIGA DA INFANCIA E DA ADOLESCENCIA!! PONTE EN CONTACTO COA EDUCADORA FAMILIAR do Concello!